La Reversible

José García Peláez, "Pepín de Pría", nació en 1864 en Llanes (Asturias), donde murió en 1928. LA SARDINERA I   Mirade como cuerre la sardinera a vender les sardines a la carrera. ¿Non la vedes? Fegura que s’asofoca y tantu s’afurfuga que paez lloca. Cásique a la rodía lleva’l refaxu y sobre la cabeza carreta un paxu que va chando salmoria qu’esbarria llente a mecése-y col sudu sobre la frente, sin que delgún s’apene de la so estrella, sin que tenga un cristianu llástima d’ella.     II   La madexa de pelu que-y envidiara la más xentile reina si la peñara, cola carga, que tienla tan abatida, ta aparrada, ta triste, ta descayida. Los rizos que-y revoltia l’aire terreru cuando sal pa la pesca so compañeru, de tanto como cuerre, brega y trabaya, apiéga-ylos el sudu so la vidaya. Y aquellos güeyos dolces, que no hai quien vea como ellos el encantu de la marea qu’arrellucen lo mesmo que dos lluceros pa nellos amirase los...