La Reversible

Felipe Prieto nació en Zamora en 1941 y murió en Oviedo en 2014. EL SAPU Esmigayando plata siento los lloqueros de sapos espardíos pela nuechi.   Comu un tarrón gorrumbu llombu al aire, tou amanciáu, moyáu de cuchu ena caleya canta la so vida más curtia que la flor del espineru.   Non–y duren el tiempu nin la lluna pa tase chismorriando cona xente nel mundiu de los sapos:¡Oi, nin, ¿cenesti? —Non ¿y tú? —Yo sí — ¿Y tú, y tú?   É un bichu tan de pueblu, tan aldianu que sólo–y falta una guiyá’l costazu: Trabaya tou el día, canta pela nuechi, y a l’alborá, borrachu d’arrosaes, tóca–y morrer al llau la carretera pola rueda esfamiá del poderosu.   É la envidia del juerte que non canta ajogáu de dineru y de concencia: cuando siente contentu a daqué probe, a pataes lu mata y lu estrapaya.   Y asina é como’l sapu s’asemeya al pueblu: magar daquién lu aplaste, elli canta.     EL SAPO Desmigando...