La Reversible

María Teresa Villaverde, "Tuxa", nació en Villaviciosa (Asturias) en 1882 y murió en Sariego en 1934. ATAPECER El sol al ocasu maxestuosamente, los sos rayos engolviendo en gases de ñubes, desciende; ñubes delicaes, ñubes tresparentes a les qu’arreboles los más caprichosos per parte se mecen.   De los paxarinos los cantos allegres ascúchense al tiempu que los mil rumores que la naturaleza nel so senu escuende; nos qu’hai armoníes, nos qu’hai llanguideces, nos qu’hai vigor, fuerza, notes d’enerxía vibrantes y recies; nos qu’hai puesía qu’al alma acorica y fai dormecese.   Allá llonxi, perduce tonada oénse; de la llende el zagal a casa col ganáu güelve y cola rapaza nos fala que sueña en hora tan solene; ye día de moces y ha correr aína dici-y sos quereres, depositar nella tienres confidencies metanos el llar al escuchu feches.   De tan soberanu conxuntu de vida aquesta estinguiéndose yá con tou; del astr...